Коми Республикаын сиктлӧн волы да Россияса войтырлӧн ӧтувъялун волы сиисны коми нывъяс пӧвстын дасӧд «Райда-2026» конкурс, коді ӧтувтіс 13 нылӧс Сыктывкарысь, Печораысь, Усинскысь, Ухтаысь, Сосногорскысь, Эжва, Луздор, Кулӧмдін, Койгорт, Изьва, Кӧрткерӧс, Сыктыв да Удора районъясысь.
Конкурсса испытаниеясыс мунісны йирым тӧлысь 23 лунӧ Коми Республикаса войтырлӧн ёртасян керкаын да помасисны мӧд лунас Вужвойтыр шылада-драма театрын кыпыд гала-концертӧн. Нывъяс петкӧдлісны коми кыв, культура да республикаса история юкӧнын тӧдӧмлунъяс, сямлун да эрудиция, коми войтырлысь традицияяс, обрядъяс да ритуалъяс. Видзӧдысьяслы нывъяс петкӧдлісны важся коми обрядъяслысь юкӧнъяс — пывсянын кагаӧс мыськӧм, тундраын кыпыда кӧлысясьӧм, изки вылын гадайтчӧм, том йӧзлӧн рытпукъяс да гажӧдчӧмъяс, коми кыв вылын сьыланкывъяс да частушкаяс, а сідзжӧ карнанӧн да ведраясӧн мичаа ветлӧм.
Коми Республикаса Юралысь Ростислав Гольдштейн нимсянь нывъясӧс да видзӧдысьясӧс чолӧмаліс дінмуса национальнӧй политика министр Роман Носков: «Коми войтырлӧн культураын ань пыр вӧлі и кольӧ гортлӧн сьӧлӧмӧн да чужан мулӧн гӧлӧсӧн. Буретш нывбаба кияс пыр кӧленаысь кӧленаӧ вуджӧ войтырлӧн лолыс. Конкурсыс восьтӧ быд ныв водзын позянлун гӧрдитчӧмӧн висьтавны став республикалы аслас ичӧт чужан мулӧн аслыспӧлӧслун йылысь».
Конкурслӧн кывкӧртӧдъяс серти «Райда-2026»-лысь медшӧр титулсӧ босьтіс Кулӧмдін районса Керчомъя сиктысь 16 арӧса Дарья Катаева. Сылы жӧ вичмис и видзӧдысьяслӧн «Медся муса ныв» нимпасын козин. «Катшасин» нимпас да мӧд места босьтіс Сыктывкарса Эжва районысь Лидия Габова, коймӧд места да «Пӧлӧзнича» нимпас сетісны Койгорт районысь Александра Матвеевалы. «Зарни тусь» нимпасын ӧтуввез-гӧлӧсуйтӧмын вермысьӧн лоис Сыктывкарысь Есения Рассыхаева. Быд нылӧс пасйисны торъя нимпасын:
«Юмов вотӧс» — Чупрова Амелия;
«Визув ёль» — Игнатова Амина;
«Войвыв дзоридз» — Лымина Ксения;
«Еджыд юсь» — Витязева Злата;
«Сьӧлӧмшӧр» —Дарья Рубцова;
«Зиль-зёль» — Екатерина Вурдова;
«Асъя кыа» — Попова Анна;
«Нюмбана шӧвктуг» — Чупрова Ульяна;
«Югыд кодзув» — Гумарова Надежда.
Конкурслӧн учредитысьяс — «Коми войтыр» МОД да Коми Республикаса национальнӧй политика министерство. Мероприятиесӧ котыртісны «Коми войтыр» МОД, Коми том йӧзлӧн «МИ» котыр, Коми Республикаса войтырлӧн ёртасян керка да Коми Республикаса вужвойтыр шылада-драма театр.
Министерство национальной политики Республики Коми
Оставьте первый комментарий для "Коми Республикаын бӧрйисны «Райдаӧс»"